靈丹妙藥?!

一轉眼, 龍BB已經五個半月大, 我都不經不覺做了奶媽五個半月! 哈哈! 雖然很辛苦! 但很有成就感啊! 希望龍BB keep住身體健康, 快高長大!! 哈哈!! 

望住他一日一日長大, 精靈又活潑, 真係令人開心又滿足!! 工作多少煩惱, 回到家便煩惱盡消!! 龍BB是我的靈丹妙藥!

母乳大作戰!

生BB之後最大的挑戰非餵母乳莫屬! 整個餵餔過程真是令人又愛又恨! 愛它給我帶來無比快樂的親子感覺, 恨它令人身心疲倦, 一日埋身或泵10次8次, 三更半夜要起身, 不斷打電話求救, 你一係食唔到, 一係食到訓, 食得密, 食到忟,  食到我無得訓, 食到我損左, 食到我驚!! 在得不到身邊人支持的時候更是痛苦! 前後還哭過好幾回!! 比較安慰的是, 經過兩個月的努力, 奶量由最初的未上奶時期的每次幾ml 到現在的每次有20ml至75ml, 全日有8-9oz, 能讓寶寶每天寶寶享用一餐多D的母乳, 努力未有完全白費, 有一點進步, 感覺很良好!!! 期望有一日母乳的份量足夠到全母乳!!! mission impossible!!!

寶寶, 你要知道媽咪咁努力都係想你食到呢個世界最好既奶, 你要知道媽咪是窮媽媽, 要比其他富媽媽出更多力, 辛苦更多才有現在的表現, 第時你要錫媽咪多D呀!!! >,<

媽咪繼續努力!!

BB出世啦!

要從那兒開始寫這五十天的手記呢? 就出世前兩天開始啦! 已不記得寶寶出世前兩天的陣痛有多痛, 只記得我幾乎走不動, 笑不出, 說不出話來! 只有在床上休息, 計時和等待! 等到預定催生的日子來了,陣痛的頻率還是不夠頻密, 我們便準備入院催生了! 大王特別去剪髲xx, 著件靚衫預備做爸爸影相! 我痛到無聲出的靜靜地沖涼, 洗頭, 吃飯去. 一切準備好便call的士到山頂去!

不消二十分鐘, 我們便到達明德, 去到酒店般的醫院大堂, 上產房登記後, 一位很親切的姑娘Lily前來照顧我, 安頓並檢查過後, Dr. Chan亦來到了. 經過一輪檢查觀察, 以我的狀況(當時子宮已開兩度), 決定以慢的方式催生, 因催生藥會令人感覺痛楚, Dr. Chan 建議我打無痛針比較合適, 於是便請來了Dr. Oi先為我在背部的皮膚上先打麻醉, 然後再在適當的位置打無痛針. 事後聽人說打無痛針很痛, 但我不覺得啊, 真好彩!

好啦, 醫生為我穿了羊水, 無痛藥又落了, 然後就是等子宮開夠度數, 自己生! 在等待的時候, 因為落了無痛藥, 所以大王說痛了兩天的我終於識笑! 哈哈! 我不能落床, 唯有在床上平靜的等待, 而可四處走動的大王就四周圉影相!

一個小時過去了, 開多了一度; 正當Lily來檢查的時候,兩三個小時過去了卻又只是開了一度, 我覺得上腹隱隱痛, 同時Lily亦發現寶寶的心跳突然趺了很多! 於是便在這幾秒間, Lily召喚了很多不同國籍的姑娘(黑的, 白的, 黃的)衝入來為我的寶寶急救, 幾分鐘後, 情況好像已經受到控制! 看到姑娘們的緊張神情, 我知道, 剛才的狀況一定是很危險! 寶寶, 你長大以後有機會, 一定要多謝他們呀! 還要好好的尊重醫護人員, 因為他們是XX生命的勇士!

Dr. Chan 亦趕到產房,他了解狀況及檢查過後, 怕等太耐,寶寶會有危險, 認為立即開刀把寶寶拿出來, 寶寶會比較安全! 我還沒來得及回應, Dr. Chan 再拍拍我的手脾, 說BB安全比較緊要! 我好像有點頭示意明白, 說罷他便指揮各人行動去!

Dr. Oi 先來加重無痛藥的份量, 不消一分鐘, 我的手便開始震, 又不消幾分鐘,我已由產房送到去手術室, 大王一直跟我在一起, 安慰我不要驚, 我沒有, 只一直想著要冷靜, 我知道一切會順利的! 果然, 在鄭秀文兩首歌的background music 下(小心女人, 我的歌), 我聽到了BB喊聲, 好大聲! 寶寶順利地出來啦!

跟住, 寶寶在另一邊由姑娘清潔, 再由Dr. Chiu 檢查, 由大王負責剪XX, 他剪一下便完成, 叻叻!

等Dr. Chan 為我把傷口合之後, 我和寶寶便被推上病房,正式展開了餵奶大行動!

BB50天大

BB出世已50天了！打從BB出世那天開始，天天都想把BB的一切記錄下來，但是之前那天昏地暗，日月無光的日子，實在令我這位新媽咪心力交碎，疲累得很！今天總算適應下來，是時候追回50天日記了！希望我還記得當中細節，嘻嘻

預產期到

今日就係龍ＢＢ的預產期，這幾日雖然都有M痛feel, 但係龍ＢＢ都仲係未出世！龍ＢＢ，你係咪要選好時晨呀？好啦，你選好時晨就要乖乖出來啦，知道嗎？龍爸，龍媽，仲有一大堆關心你的朋友都好期待你既來臨呀！　

昨日龍媽同龍爸去了九龍城睇樓，睇完再返舖頭食飯，然後再到GAP用discount coupon買衫，龍媽忍不住買了很多保曖衣物。。。給龍BB呀！很多都是龍媽很喜歡的星星圖案, 嘻嘻! 你要快D出來試衫呀! ^_^

　　

放大假

龍媽媽和龍爸爸分別在上星期及這星期開始放大假, BB 還未有意思出來, 龍媽上星期還行動自如, 有氣有力的跟細佬去睇樓, 這星期就變得行動遲鈍起來, 行一陣就要坐低...龍爸見龍媽這個模樣, 便陪龍媽在家休息. 做什麼好呢? 睇錄左好耐既大長今啦! 嘩! 一睇不得了! 一集, 兩集, 由早到晚連續係咁睇!! 好似放暑假咁呀!! 好正呀呀呀!!!!!!

不過最好都係龍BB你快D出來啦!! 我地好想同你玩呀!!! ^_^

不要催生！

上星期, 不論是廣華的醫生, 還是Dr . Chan, 他們都說如果BB還不出來, 便要安排在下週催生了! 這兩天一大堆ee包括 Iris ee, Karen ee, Jacinta ee, Peggy Junk ee, Samantha ee, Dra ee, Sing ma, Joyce ee, etc etc 都好緊張你出來沒有。BB, 你快D出來啦, 不要過期居留呀! 龍爸爸D假浪費了不在講, 催生的話, 媽咪要打催生針呀! >,<

早上對話

大王問: 低B, 今日唔打波囉!
低B: 點解呀?
大王: 陪你呀ma
低B: So sweet! ^__^

What a beautiful day!

影大肚相

今日下午, lumi 同佢既好朋友阿B, 上左龍媽龍爸的家為龍媽影大肚相呀! 龍爸及時趕回來一起影! 不知道出來的效果如何, 都是一種回憶, 真係要多謝呢對好朋友! ^_^

十月一日

當我和大王, Fi and Fran, 三家人齊齊整整舒舒服服地在家等看煙花的時候, 原來南丫島海面發生了兩船相撞的嚴重意外. 合共38人在意外中離開了這個世界, 離開了身邊的至親...希望留下來的親人朋友, 能夠珍惜自己, 勇敢正面的活下去...

明年的十月一日, 甚至每一年, 我們都不再需要煙花, 只需要安靜的, 與家人平平安安的渡過...