出門去北京

搭飛機去北京4日3夜攪 adv manager pilot training，今次出門只有自己，lam hei yeung 比上次1月我們去泰國時又大了許多，更多表情更可愛，真的不捨得你啊！媽咪會盡快工作完畢盡快回來看你！你要乖乖聽baba 同姐姐的話啊！

I'm not a postman!

I'm not a postman!

第一個母親節

昨天過了人生第一個母親節，平安而快樂！
細佬們話要和我一起慶祝，早早就book好夜上海吃晚飯，從未吃過這一家，試一試！
一大早便起身飽奶，再吃米糊，然後出發去舖頭，公公看見孫仔大樂！我倆便放下Hei Yeung 同姐姐，靜雞雞吃早餐去！
吃飽我們便帶Hei Yeung去見婆婆，媽媽送上前一晚在花墟買來的玫瑰和康奶馨，Hei Yeung 呢？現在只會流囗水！哈！但是Hei Yeung, 你可要記住，沒有公公婆婆和舅父們，是沒有今天的媽媽的！所以你要孝順我們，對我們每一個人好啊！就好像我們疼愛你一樣！
拜見完婆婆，我們轉去爺爺嫲嫲的家！
一見孫仔，爺爺嫲嫲又是大樂！嫲嫲要Hei Yeung錫錫，爺爺搶住抱抱，但Hei Yeung居然大哭！太不給爺爺面子了吧！休息下，吃吃中午飯，Hei Yeung 又吃過番茄豆腐米糊，到吃甜品時間，知道嫲嫲喜歡吃，大王特別買來榴蓮，很孝順的大王呀，Hei Yeung要學習啊！最後一個環節，母親節送大禮，我和大王送嫲嫲一條金頸鏈連福袋造型吊飾，很合襯呀！嫲嘛又讚我是乖新抱，嘻嘻！

晚上到marco polo hong kong 的夜上海吃晚飯，食物還可以，只是服務非常一般，唔講唔知，以為自己去左茶餐廳！但很開心，因為人齊！公公，大細舅父，舅母，金魚，和我們這一家！lam hei yeung 今晚算好乖了！同細舅父玩玩，又在公公懷抱裡做睡寶寶。父親大人多滿足！父親，母親節快樂！=>

anniversary

今日anniversary, 完全唔記得！OT後回家搭小巴睇蘋果見到劉德華個女慶祝5月9日一歲生日，我先醒起！
大王居然記得仲買左蛋糕！笑鳥！

星期六

今朝埋身餵奶後檢查林小朋友的囗腔，又發現多了半隻門牙，大王又發現他會自己坐了，雖然只維持一，兩分鐘，但都令人好興奮呀！小朋友大得真快！

今天買來了紅衫魚，是繼鲩魚及三文魚之後的第三種魚！公公話食魚最好！媽咪都係咁話，好多omega3! 正！

今天又返工！已經記不起是連續笫幾個weekend返公司工作了！點解大好星期六下午我會在draft垃圾email而不是與carson建立親子關係？! 想打人！!

魚與熊掌，不可兼得？

我唔明白點解我要咁辛苦？到底值唔值得？有無解決方法？

方法一定有，在乎你捨唔捨得放手。

如果我沒有小朋友，我仲可以義無反顧地搏殺，只要我還有一囗氣，但是我有小朋友，每次遲返屋企，我都很內疚，生了他出來但並沒有盡母親的責任。

事業和家庭，魚與熊掌，不可兼得？

被咬到！

自從LHY 出了一隻牙仔之後，身為媽媽的我可慘了！不時被LHY用力咬到！今天有兩下！很痛呀！最抵死係我鬧佢佢居然唔知驚仲笑添！但是我不會因為怕了而停止我的餵奶目標！但有必要把這件事記錄在案，待曰後LHY長大了再發落！=P

打針

林小朋友今日由大王帶去hung hum 母嬰健康院打四合一第三針。係，無錯，又係由大王負責，第二次因為本人工作實在太繁忙而由大王代勞！大王，辛苦哂！
按過往經驗，林小朋友在連續打了三支針後，會小哭一下，是的，只是一下，好勇敢的小朋友！過住也未曾發燒，但胃囗不好，忟，希望林小朋友平安渡過這幾天！

忙！

俾蚊針

龍BB keep住俾蚊針, 針到面, 手, 頸, 全部都有! 媽媽見到心痛到呢! 醫生話BB的體溫與大人不同, 特別冶蚊, 因為俾蚊針而睇醫生已經睇左兩次, 次次都是防敏感藥水同cream, 醫生話下次都是一樣情況,直接要藥好了, 不用看醫生了.

根據龍爸爸所講 (媽媽星期六返工去,鳴~), 臨離開診症室的時候, 醫生都忍不住摸摸龍BB的頭, 說他得意! 梗係, 我個仔喎, 嘻嘻!!