仲有一日！

仲有一曰馬BB就出世啦！今日早上工作了一會丶吃過飯丶無聊度下個肚有幾大，嘩！42吋呀！馬BB你好西利呀！媽媽個肚比你撐大左十幾吋呀！

滑浪？！

這晚馬BB比平時郁得更厲害丶更頻繁！你是在湑浪嗎？我比你撐到好Q痛呀！

wk 37

2015.1.21

week 37 day 2

馬BB5磅9安士，聽了十分鐘心跳and movement知道BB 其實正常又健康，真感恩！只是生長速度放緩，媽媽肚子裏的環境還對BB有幫助嗎？出世有還會有6磅半嗎？為使馬BB能健康地在我的肚子𥚃多住兩星期，我決定申請work at home this week! 勁食同休息！雖然有時會覺得悶忍不住落街走走，但還比過海返工舒服一點！

今次宮頸較短，怕佢早出來，一路keep住食安胎葯。又因為馬BB 胎位很低，晚上上厠所的次数數特别頻密！呢2個星期馬BB勁活躍，我就keep 住抽根，左大脾内則尤其嚴重，短短地由屋企去街市既路程都不停想抽根，這星期work at home的決定何其正確！

無論如何，已經進入最後倒數階段，BB加油！媽媽加油！

X'mas eve

2014 Dec 24

今年Lun baba 生曰，Lub mama早有準備，上網research 定西餐食譜，再去Citysuper買材料，回家指揮若定，美味西餐有得食！

食蛋糕前Lun baba 吹鷄去睇燈飾，於是一家三口坐小巴去尖沙咀，尖東人多，又有多好人唱詩歌，氣氛特別好！lun mama 又有機會影下相，yeah! 

睇完嶝飾歸家去，今年Lun mama仲專登去買個法國蛋糕，點知評語係普通，仲要話Chilam 賣廣告𠴱個黑魔王口感有層次，好味D，早知唔洗去到海洋中心買，仲要咁貴！下年去返樓下買算數！

聖誕義賣

2014  12 18 媽媽早在活動前兩天幫我們賣廣告！希望星期天的義賣一切順利！

BB2號update

doctor chan appointment today

Week 31

Bb 1.7kg 

Mama 57kg (increased 2kg compared to one month ago, original 45kg) 

頭丶腰week 32

腳接近week 31

中等身材，發育良好！期待你的來臨呀！

TEDx Kowloon

2014 nov 30 10-4pm 

星期天，同Matthew參加了一年一度的TED conference 吸引我去的是16位講者之一的一田CEO，莊偉忠先生, 果然是出色的領導者，有領導者的獨特魅力！

聽畢16位講者的演說，應為最貼當天演講主題＂轉念反思＂的是一位設計師的I'mperfect 思維, 最難得的是可以把這個思維實踐和應用，Imperfect ➡️I'm perfect! 

生日札記

29 nov 2014 

St Margaret interview

培正面試

半夜醒左去洗手間，回來看見枕頭上有一個小小盒子，打開居然是一顆介子！101不多也不少，很正的數字！哈哈！謝謝大王！

晨早起來到跑馬地interview, 安排不錯，來到面見室成班小朋友坐下玩枱上積木，老師到個別小朋友身邊誘導去到旁邊的面見枱坐下，loan bb 坐下先望向坐在遠處的媽媽，老師醒目地比一架車車loan bb安慰他，他便乖乖地坐著回答老師問題，都是問名丶歲丶誰陪伴來，認生果，放造型板，問碗丶匙丶义丶刀（這條可能中文，又少見刀，唔係太識答），疊積木，收小禮物（餠）説謝謝，拍櫈，講拜拜！完成！老師很用比心！七情上面的！校內的姨姨們也很好！讚！

第二站，到附近的St Paul kindergarten 交表，媽媽去排隊交表，爸爸同loan bb 到小學部操場玩，好多小朋友，真開心！

回家吃午飯，小睡片刻，5點便到家附近的培正面見，人很多！但秩序良好！亦有效率，先到候見室玩枱上玩具，很快便叫loan bb 號碼到外面排隊入room

 103, 老師從房間𥚃出來說讓小朋友拿著接見証，到房間交証，答幾個問題，再攞貼紙，便完成！說畢便拖住loan bb 入課室，快到無時間講bye bye! Loan bb 入課室前轉頭(慘樣)搵媽媽，但5分鐘左右出來老師帶著出來便變回正常様, 手上拿著貼紙和老師已簽名的面見証，叻叻！

Loan baba同事的其中一個孖女因為狂喊所以有機會入去一齊見，原來都是考名丶幾歳，玩lego等,聽講7千幾人in, 老師們要在眾多小朋友中揀學生，有幾辛苦真係不難想像！

In 完就到emma家玩，再到附近西餐廳食晚飯，兩位小朋友用BB話溝通無難度，仲卡卡笑勁開懐！

崇真 interview

2014 Nov 21 5:45pm 崇真interview 

5點幾好塞🚗，遲了一點點，人很多，但不用等太久，過程順利，面見室有三四張枱每張枱同時見兩位小朋友，媽媽坐小朋友後面，老師問名丶歳，誰帶來，玩拚動物板，跟老師用鼓拍拍子，收禮物（機械🐠)，拍櫈，完成！

Victoria 2nd interview

2014 Nov 14 3:10pm 

期待已久的Victoria 2nd interview終於來臨，loan baba & loan mama專登請半日假去interview, 校長居然認得我，嘻嘻！

2nd interview 在一間很大的房，loan bb被安排同一位老師在兒童枱玩玩具，loan baba & loan mama和校長在另一邊跟校長閒談。校長很親切地問了一些問題，當中包括：形容一下loan bb 性格，答：慢熱，熟落之後很熱情，學習方便很專心之前，很多時候教一次就記得並懂得應用；情景題，如果loan bb唔肯返學，會點做？答：分散注意力，提醒他學校有什麼好玩或他想見的人，要給他早一點的心理準備，可避免出門時扭計。事實上也比較少不願出門。

問答環節頗順利，一家三口盡哂力，得失還是平常心吧！面見完畢到家附近的新開甜品店去！