New receipes

這個星期曰日玩打果汁，今曰試埋egg benedict and tomato, 大滿足！

推波推車

這兩星期學會了推波推車給我們，老師、爺爺、嫲嘛，個個同BB推都work, 好野!

終於收到Strokke兒童椅, 林小朋友，你大個啦，要同我們同台食飯啦！

加薪？

20 August

老細跟我說了升職後的加薪情況，問我覺得點？老實說按我對公司的了解，不會因為上年沒有加薪而今年會勁加，加薪幅度是如我所料，沒有太大驚喜，為了補償上一年的花紅事件，老細還是幫忙向上調整了一些，還是要多謝他吧！但為什麼我沒有想像中興奮？是因為我真正關心的並不是這個事情嗎？

打風放假

星期一為左陪林小朋友睇醫生已經請左一日假，星期三早上又因為打8號風球唔洗返工，今個星期工作進度缓慢，下星期要急起直追！

叫媽媽！作病！

叫媽媽，只有在危急關頭時會叫。
例如被舅父抱要找媽咪求救！攪笑！

上星期試下baby carson, 狂喊半小時之後終於睡著。自己訓這兩天試開細房冷氣，因為姐姐話下午BB房太熱BB勁流汗，點知攪到BB流鼻水！體溫37.6,是發燒嗎？如果是，便打破了出世未發過燒的記錄！唉！即刻去睇歐陽醫生，羅葯食，但見BB還是跟平時沒兩樣通屋爬，BB你不像病了啊！食左兩曰药都仲有點咳，又比平時熱37.8,晨早打去問Dr.趙,Dr.話無乜事可以老考慮唔睇，都係保險些，下午請假去睇趙醫生，點知醫生檢查完之後話沒事呀，看BB的情況，嚴格來說，無燒無持續咳，不用食葯，但見我擔心都開了药，千叮萬囑無必要唔好食，看門口药，承惠490大元！希望大王claim得到！

叫媽咪？

跟林小朋友二人世界的星期天，細舅父和金魚下午送來並裝配sit up板，媽媽在廚房煮粥仔，林小朋友在沒有媽媽陪，只看見兩位疑似陌生人，便一直哭鬧直至播放迪士尼DVD，但沒多久，又大哭要找媽，媽媽沒有理會，因為又在為林小朋友洗澡作準備，突然兩位疑似陌生人大叫：佢叫媽咪呀！OH NO, 點解我聽唔到~太遠！再要求林小朋友叫一聲媽咪己經唔采人，因為媽咪己經回應了！結論係林小朋友可能懂得很多，只是如非必要不會使出真功夫！唔做多餘野，真係大壞蛋！

晚上幾經辛苦都氹唔到大壞蛋訓覺，係要玩remote，最後半夜12點幾先因為太攰勉強去訓，大王連續兩日在玩風帆時同太陽伯伯玩遊戲晒到全身'loan'左，又可能因為手提同銀包遇溺太傷心一早訓左，各位晚安！

BB肚痛？

星期四，是夜林小朋友半夜大哭，媽媽把他搬到主人房一起睡，他過房後沒有睡一直在上上落落哭哭鬧鬧。

隔天跟祕書小姐講起，她提議兩種方法，用雙手互相摩擦至微暖，再用以按摩BB肚子3次。或者用蛋也有緩和BB肚子不適的功效。試了兩晚，效果不錯。

昨天只有媽媽與林小朋友在家二人世界，林小朋友整天只愛玩不愛睡，只愛粥不愛奶，只愛埋身不愛情泵奶，OMG, 浪費了40ml! 林小朋友，你可知滴滴皆辛苦！

放假

前幾天他又表演單手拉high chair, 好攪笑！
今曰請假去了Dr.Chiu診所，看看蚊咬順便填form, 巧合地發現原來鄧亦希小朋在都係睇佢！Dr. Chiu 仲奇怪點解我會連小朋友既名都記得！
再去揾Grace &Rafi聚一聚！很快樂的一天！
要學識平衡，就從今天開始！