生日札記

29 nov 2014 

St Margaret interview

培正面試

半夜醒左去洗手間，回來看見枕頭上有一個小小盒子，打開居然是一顆介子！101不多也不少，很正的數字！哈哈！謝謝大王！

晨早起來到跑馬地interview, 安排不錯，來到面見室成班小朋友坐下玩枱上積木，老師到個別小朋友身邊誘導去到旁邊的面見枱坐下，loan bb 坐下先望向坐在遠處的媽媽，老師醒目地比一架車車loan bb安慰他，他便乖乖地坐著回答老師問題，都是問名丶歲丶誰陪伴來，認生果，放造型板，問碗丶匙丶义丶刀（這條可能中文，又少見刀，唔係太識答），疊積木，收小禮物（餠）説謝謝，拍櫈，講拜拜！完成！老師很用比心！七情上面的！校內的姨姨們也很好！讚！

第二站，到附近的St Paul kindergarten 交表，媽媽去排隊交表，爸爸同loan bb 到小學部操場玩，好多小朋友，真開心！

回家吃午飯，小睡片刻，5點便到家附近的培正面見，人很多！但秩序良好！亦有效率，先到候見室玩枱上玩具，很快便叫loan bb 號碼到外面排隊入room

 103, 老師從房間𥚃出來說讓小朋友拿著接見証，到房間交証，答幾個問題，再攞貼紙，便完成！說畢便拖住loan bb 入課室，快到無時間講bye bye! Loan bb 入課室前轉頭(慘樣)搵媽媽，但5分鐘左右出來老師帶著出來便變回正常様, 手上拿著貼紙和老師已簽名的面見証，叻叻！

Loan baba同事的其中一個孖女因為狂喊所以有機會入去一齊見，原來都是考名丶幾歳，玩lego等,聽講7千幾人in, 老師們要在眾多小朋友中揀學生，有幾辛苦真係不難想像！

In 完就到emma家玩，再到附近西餐廳食晚飯，兩位小朋友用BB話溝通無難度，仲卡卡笑勁開懐！

崇真 interview

2014 Nov 21 5:45pm 崇真interview 

5點幾好塞🚗，遲了一點點，人很多，但不用等太久，過程順利，面見室有三四張枱每張枱同時見兩位小朋友，媽媽坐小朋友後面，老師問名丶歳，誰帶來，玩拚動物板，跟老師用鼓拍拍子，收禮物（機械🐠)，拍櫈，完成！

Victoria 2nd interview

2014 Nov 14 3:10pm 

期待已久的Victoria 2nd interview終於來臨，loan baba & loan mama專登請半日假去interview, 校長居然認得我，嘻嘻！

2nd interview 在一間很大的房，loan bb被安排同一位老師在兒童枱玩玩具，loan baba & loan mama和校長在另一邊跟校長閒談。校長很親切地問了一些問題，當中包括：形容一下loan bb 性格，答：慢熱，熟落之後很熱情，學習方便很專心之前，很多時候教一次就記得並懂得應用；情景題，如果loan bb唔肯返學，會點做？答：分散注意力，提醒他學校有什麼好玩或他想見的人，要給他早一點的心理準備，可避免出門時扭計。事實上也比較少不願出門。

問答環節頗順利，一家三口盡哂力，得失還是平常心吧！面見完畢到家附近的新開甜品店去！

九龍城民生K1interview

15 Nov 2014 2:30pm 九龍城民生interview

因為loan baba 公司有活動，下午interview只有loan mama 陪, 先入Room1 玩積木等interview，玩得好地地，隔離個男仔不太友善，lung bb當然不會比人蝦...塲面有點混亂…經lung mama氹番又平伏下來.

再到Room2外面排隊，lung bb好興奮地在走廊跑來跑去，又同小鬼妺hello, 好不容易等到interview, 老師好像比較正經, 同其他interview不同是有一張大畫紙上面有一個客廳塲境,指住以下物品，要loan bb講是什麼：花, 梳化，機器人，熊仔，13579 THJFS

最後送禮物：民生紅色卡套

話咁快就考完，又係時候講bye bye! 

禮賢會K1 interview

15 Nov 2014 1:30am 禮賢會K1 interview

老師們都很友善和有耐性，interview時間到了，我和大王陪伴loan bb進課室，老師體貼地拿一張成人椅子給大肚的我^.^

老師開始溫柔而專注地問loan bb 問題： 

你叫咩名

你幾多歲

今日邊個同你黎

入形狀順便問顏色

擺動物木拼板

數123，然後推🚗給爸爸媽媽及老師

比蘋果媽媽，比橙爸爸，比香蕉老師

揀禮物，講謝謝，拍櫈，拜拜！loan bb 做到九成，loan baba 開始幻想揀Victoria 定禮賢, haha

圖：loan bb 最愛玩這個火車頭！